ياصاحبي بنشدك عن كل الاحوال          
          بالله خبرنا عن أرض السعيدة
ياصاحبي لونبتعد عنها أميال          
          يبقى هواها في الضماير عقيدة
شلي حصل شلي تحقق من آمال           
          وأرجوك لا تِدْلي بعلوم الجريدة
أدري كوادرها ثلاثين محتال          
          تنشر علوم ٍ مابَعّدها أكيدة
إذا الخبر ماأْعجب محررها ماقال          
          غيّر في المضمون يرضي حميدة
ضيع خبر كانّ وحتى ومازال          
          وأصبح خبرها شبه جملة مفيدة
ياصاحبي بسألك عن خير الأفعال          
          بالله عليك عطنا العلوم الأكيدة
ودعتها والدمع من عينها سال          
          دمع ٍ تفجّر من محاجر عنيدة
السل فيها والجرب حالها حال          
          زادت على الطاعون حُمى وقيدة
ياكم كوادر لا وظايف ولا اعمال          
          كل الوظايف حق سعد وسعيدة
هذا ولد عم ٍ وهذا ولد خال          
          وهذا الحفيد من مال غيرة نزيدة
حتى الجنود اللي على كل مدخال          
          لاشافوا الزائر يخلوة صيدة
ضاقت صدورالشعب ياسامع القال          
          من ذا الفساد اللي تزايد رصيدة
شف المحاشر من يحَشِر لها شال          
          مشيامها فوق الجمال الشديدة
لابمدح الراعي ولو قال ما قال          
          ولو يغني للرعية قصيدة
ثلثين شعبه غايبين عنه رحال          
          متوزعين في الأرض يابو رشيدة
أغراب واحنا للعرب جذر وآصال          
          وأحرار صناع الحضارة المجيدة
شف قد تعلمنا من الصبر ماطال          
          شموخ هاذيك الرواسي العتيدة
شف الوطن أغلا من الأهل والمال          
          إحيه ياقلبٍ لدارٍ بعيدة
والختم صلى الله على سيد الاجيال          
          محمد المبعوث والخير بيدة