ذكرت ايام خيمتنا ونار وفوقها الدله          
          وصحرا تكتسي بالحر وثوب من الرمل اصفر
زمانٍ لو رجع والله ابد ما اظني امله          
          زمانٍ تاه في ذاتي، زمان من الشقا واكثر
          
          
رحلت ادور الصحرا، غريب الرمل ما ادله          
          وتذكرت الزعيم الي غشاها الرمل بالاخضر
زعيم اغتالها الصحرا وسيوفه كانت النخلة          
          في وقتٍ قالوا الصحرا ابد ما تنبت وتزهر
          
          
زعيمٍ وحد اشعوبٍ عزيه كانت اتشله          
          قطف اسمى ثمار العز ووحد دولةٍ تبهر
وقبله كانت الدولة تدور عن ثرى الظله          
          غدت في عصره الدوله شجر والورد متبعثر
          
          
جزالك الله يا زايد شفيت الارض من عله          
          ياليت ارد لك معروف فعلك ليت لو اقدر
رحمك الله يا زايد وعسى الاحسان لك كله          
          جعلت الكون والدنيا بخيرك دايمٍ تشكر
          
          
وجلست بوسط خيمتنا ونار وفوقها الدله          
          وحديقه تكتسي بالورد وثوب من الصبر اخضر
غريبة كيف لي قالوا ابد ما تنبت النخله          
          تعال وشوف دولتنا تراها كلها تثمر