وفي غربتي حتى قصيدي وطني
فاحت عطوره قبل لاكتب معانيه
وفي غربتي حتى القلم مل مني
كنه يبي يكتب وانا امسح خطاويه
وفي غربتي حتى الالم ماسكني
صبحه مسا وعيوني اللي تراعيه
وفي غربتي حتى الليالي بكني
الا حبيبٍ لاتذكرته ابكيه
مد اليدين وفي غيابه طعني
ماعندي الا صورته يوم احاكيه
ان جيت الون صورته صد عني
وان جيت ابروز صورته ماتكفيه
حتى البيوت الشاهقه ماضفني
ان غاب عن عيني تكسرت بيديه
وفي غربتي ضاقت حدود التمني
قصرا تمره ريح واخري تناديه
جيتك بقايا انسان حبك سكني
جيتك اسابق بالغلا جرح مغليه
ابكتفي هنا العذاب امتحني
والصد عن من صد عني مشاريه
ان حبني هذا شرف واحتضني
وان سابني هذا قدر واقتنع فيه
