خلي تودعني تبي تعيش مرتاح
وانا بدمعي هايمن فيك مفضوح
كل ما أقرب تبتعد ليه يا صاح
ولاّ عيونك إلفت الدمع منضوح
خلي وأعرفك إنك انسان لمّاح
تفهم كلامي قبل لا اقول وابوح
جنّب طريق البعد فالبعد سفّاح
ما يستريح إلا يرى الدم مسفوح
خلك معي نطوي مسافات واجراح
خلك بعهدك واضحن كل الوضوح
حكّم ضميرك واحكم بعدل وارتاح
بالحكم راضي حتى لوتنوي تروح
ما همنّي قول العواذل ترى راح
ما شاف لك عازة ولا شاف مصلوح
يكفي اتِّذكر منِّك افراح واتراح
لي عشتها وياك جارح ومجروح
ولكل قلبن يا هوى البال مفتاح
وانا فؤادي دايم الدوم مفتوح
ما أجبرك تبقى ولك قلب لحّاح
اختر طريقك لي تلاقيه مربوح
ان كنت تبغي القرب مفرود لجناح
اقرب تفضل واسكن القلب والروح
وان كنت ناوي الصدِّ والهجر يا صاح
الله معاك وروح بالحل مسموح
