الشاعرة مروه الجنيد

هجرني النوم يا خلي وجفني حارب( النوده )           
          ابات الليل .. ودموعي تعانق حزن الوساده

ابذكر قلب له شهرين.. يحاكي دروبه السوده           
          وهم شوك الحزن فيني ابد.. ما ينسى ميعاده

تعبت.. اسنين ( احاتيني ).. سبب هالهم ووجوده           
          غريبه!! كيف؟ مَ تحكّم.. وانا عقلي الزمن زاده

صبرت وقلت: \" يمكن يوم انا باحقق وعوده \"           
          لقيت اللي غدى ولهان وشوقه ح/طم أصفاده

لقيت الحب متضايق يحط ايده على خدوده..!           
          يفكر كيف؟ ( يجمعنا) يجدد ذكرى ميلاده

حزين الخاطر.. !! وحاله بدى تعبان متدوده           
          سألته: ليش ما تدري..؟! هجرني وهم ما فاده

غرام ٍ .. ( كم حلمنا به بدينا نقطف وروده )           
          ونه/دم باب ذاك السور .. ونمحي حدود ابعاده

نسيت؟؟ اني وانا طفله.. غرامي لَ بعد حدوده           
          مشاعر.. تحتوي قلبي..! تفوووق النبض وزياده

( ت ب ع ث ر ) جرح ما عمره قدرنا نك/سر قيوده           
          ولكن للأسف جرحي يعيش اليوم ببلاده

عرف يختار ويتخير وطن!! هالقلب وجنوده           
          بعد م َ استعمر الونّة ونوح الحال كالعاده

مثل ما الجرح يطعني وذات الروح مفقوده.. !!           
          بلاقي.. من يشافيني.. يلف آلامي بضماده

وبنسى ه الجروح اللي ( بوسط ) القلب مهدوده           
          عجزت.. اتعشم الفرحه.. وهي مولوده بمهاده

ابصبر لين ما تكبر.. وبم/حي الهم وعهوده           
          واجدد ( ذكرى ميلاد الغرام ) واعذب اعياده