الشاعر سعد الخرجي

فيني أنا طبعا تغير كل شي          
          من بعد ما رحتي و أنا ما هو أنا

ميت و لو هالناس قالوا عني حي          
          غرقان في بحر المواجع و العنا

روحي ظمت وانتي لها سقيا و ري          
          كلي حزن ما دام وصلك لي هنا

نار البعد في داخلي تكويني كي          
          مظلم طريقي لا ضيا به لا سنا

ما عاد لي ملجا و لا ظل و في          
          قلبي كفاه اليوم ما نال و جنا

عمري طواه الهم و يا الغم طي          
          واشوف سهم الموت مني قد دنا

هذا أنا فيني تغير كل شي          
          لا الطبع طبعي و لا أنا حتى أنا